Өмірбаян

Қойбеков Жасұлан Қойбекұлы 2002 жылы Алматы қаласындағы №108 мектептің 9-сыныбын бітіріп, ҚАУ жанындағы Алматы байланыс колледжінің «Көпарналы телекоммуникациялық жүйелер» мамандығына оқуға түсті. 2006 жылы аталмыш оқу орнын тәмамдады. Білімін ҚАЗАТК-да «Радиоэлектроника, электроника және телекоммуникация» мамандығы бойынша жалғастырып, байланыс бакалавры дипломын алды. 2010-2012 жылдары Қазақ инженерлік, қаржы - банк академиясында оқып, экономика бакалавры атанды. 2007-2008 жылдары «ICON» ЖШС-да байланыс технигі болып жұмыс істеді. 2008 жылдың мамыр айынан бастап «Қазақтелеком» АҚ филиалы «Алматытелеком» РДТ-да кабельші-дәнекерлеуші болып жұмыс атқарды. 2011 жылы ЦТО ШПД-ға электромеханик болып ауысты. 2012 жылы аталмыш учаскенің инженері болып тағайындалды. 2014 жылы Жобалау және құрылыс Орталығына 1-категориялы инженер болып тағайындалды.
«Алматытелеком» компаниясының 2016 жылғы қорытындысы бойынша жұмыстағы жетістіктері үшін мақтау қағазымен, 2017 жылы «Қоғамның жастар саясаты мен қоғамдық өмірдің дамуына үлес қосқаны үшін» Құрмет грамотасымен марапатталды.
Ж.Қ.Қойбеков - «Телекоммуникациялық шешімдер, ДАИКТ» бойынша сертификат иегері, «Қазақтелеком» АҚ-ның ЖасТелеком жастар ұйымының мүшесі, Дзюдодан спорт шеберіне кандидат.